БИШКЕК, 24-янв. — Sputnik. Борбор калаада ишкерлер үчүн эл аралык ири форум өтөрүн Sputnik Кыргызстанга уюштуруучулар кабарлашты.
"Иш-чарада бизнес адамдарынын ишмердүүлүгүнө жардам бере турган IT- долбоорлор сунуш кылынат. Маалыматтарды иштеп чыгуу борборун иштетүү, интернетке байланыша турган акылдуу муздаткыч, телевизор жана башка бир топ турмуш-тиричилик техникалары, ишканалар тууралуу маалыматтардын сакталышы, видеоконференция өткөрүүчү системалар талкууланат", — деп айтышты уюштуруучулар.
Форумда маалымат коопсуздугу, IT-адистердин командасын калыптандыруу жана аларды майнаптуу иштетүү жана дагы бир катар маселелер каралары айтылды.
