БИШКЕК, 18-янв. — Sputnik. Кыргызстандын футбол боюнча курама командасы FIFA уюмунун жаңыланган рейтингинде 116-орунду ээледи. Жаңы жылдын эсебинен биринчи болуп түзүлгөн тизме эл аралык федерациянын расмий сайтына чыкты.
29 Бештин айы 2017, 08:46
Былтыркы жылды кыргызстандык команда 115-орун менен жыйынтыктаган. Эми Никарагуа менен Руанданын ортосунда жайгашып, бир сапка ылдыйлады.
Дароо 15 сапка жогорулап 174-орунду ээлеген Кувейттин курамасы айдын мыктысы аталды. Ал эми 32 сапка төмөндөп кеткен Суринаманын командасы 160-орунду ээлеп, январдын начар тобу болуп калды.
Тизменин алдыңкы он сабы мурдагыдай эле өзгөрүүсүз калды. Биринчиде Германия турса, анын артында Бразилия, Португалия, Аргентина менен Бельгия келе жатат. Мындан тышкары, ондукка Испания, Польша, Швейцария, Франция жана Чилинин командалары кирген.
