БИШКЕК, 29-дек. — Sputnik. Кыргызстандын футбол боюнча 17 калысы Эл аралык футбол федерациясынын (FIFA) 2018-жылга карата төш белгиси менен эмблемасын алды. Бул туурасында өлкөнүн Футбол федерациясынан билдиришти.
FIFA уюмунун төш белгиси — кийинки жылга берилүүчү лицензия болуп саналат. Ал эл аралык мелдештерге калыстык кылууга укук берет. Ага Азия чемпионаты, Дүйнө чемпионаты жана Олимпиада оюндарын да кошууга болот.
Эл аралык футбол федерациясынан 2018-жылы оюнга калыстык кылууга укук алгандар:
— Тимур Файзуллин;
— Рысбек Шекербеков;
— Нургазы Чолпонбаев;
— Сергей Грищенко;
— Замир Чыныбеков;
— Артем Скопинцев;
— Элдияр Салыбаев;
— Спартак Даниленко;
— Нурдин Букуев;
— Чыңгыз Мустафаев;
— Дмитрий Машенцев;
— Бахадыр Кочкаров;
— Исмаилжан Талипжанов;
— Эрмек Келдибеков;
— Хусан Жалалдинов;
— Вероника Бернацкая;
— Рамина Цой.
Федерациядан билдиришкендей, жогоруда аты аталган калыстар 2018-жылы Россияда өтчү футбол боюнча дүйнө чемпионатына катыша алышпайт. Бирок андан башка эл аралык деңгээлдеги оюндарга калыстык кыла алышат.
