БИШКЕК, 18-янв. — Sputnik. Февраль айында өлкө аймагында аба ырайынын орточо температурасы климаттык нормага жакын болот. Бул тууралуу ӨКМден кабарлашты.
Чүйдө ай ичиндеги абанын орточо температурасы түнкүсүн —4, күндүз 1 градустан —5…-10 градуска чейин суук болот.
Чүй өрөөнүнүн түндүгүндө жана тоо этектеринде —15 градус суук болот. Күндүз 0…5 градустан 10…15 градуска чейин өзгөрүп турушу күтүлөт.
Талас облусунда ай ичинде абанын температурасы түнкүсүн —3…-8 градустан —11…-16 градуска чейин, күндүз 0…5 градустан 7…12 градуска чейин өзгөрүп турары айтылды.
Жаан-чачындын айлык көлөмү нормадан ашык болушу күтүлөт (21-23 мм).
Ош, Жалал-Абад жана Баткен облустарынын дыйканчылык аймактарында абанын орточо температурасы климаттык нормага жакын, кээ бир райондордо климаттык нормадан 1 градустан жогору болот.
Ай ичинде абанын температурасы түнкүсүн —2…+3 градустан —3…-8 градуска чейин, күндүз 2…7 градустан 10…15 градуска чейин өзгөрүлүп турушу күтүлөт.
Тоо этектеринде абанын температурасы түнкүсүн —3…+2 градустан —4…-9 градуска чейин, күндүз 0…5 градустан 8…13 градуска чейин өзгөрүп турат.
Жаан-чачындын айлык көлөмү нормадан аз, ал эми Ысык-Көл ойдуңунун чыгышында нормага жакын болушу күтүлөт (2-12 мм, чыгышында 18-21 мм).
Нарын облусунда абанын орточо температурасы климаттык нормага жакын болуп, —11…-13, Кочкор районунда —5…-7 градус суук болушу күтүлөт. Ай ичинде абанын температурасы түнкүсүн —13…-18 градустан —22…-27 градуска чейин, Ат-Башы районунда —25…-30 градуска чейин, күндүз 0…-5 градустан —6…-11 градуска чейин өзгөрүлүп турушу күтүлөт.
Жайыттар зонасы
Алай өрөөнүндө абанын орточо температурасы климаттык нормага жакын болуп, —13…-15 градус суук болушу күтүлөт. Ай ичинде абанын температурасы түнкүсүн —18…-23 градустан —25…-30 градуска чейин, күндүз —5…-10 градустан —11…-16 градуска чейин өзгөрүп турушу күтүлөт.
Суусамырда ай ичинде абанын температурасы түнкүсүн —20…-25 градустан —28…-33 градуска чейин, күндүз —3…-8 градустан —10…-15 градуска чейин өзгөрүп турмакчы.
