Ар бир жаран мамлекттик ишке орношоордон мурда "Тазалык" иш канасынан 15 күн стажировкадан өтсө деген пикирин Азамат Эркинбаев Sputnik Кыргызстан радиосуна маек куруп жатып билдирди.
Ал түз эфирде өкмөт башчы Сапар Исаковго кайрылуу жасап, аталган сунушту "Жаңы доорго кырк кадам" программасына киргизсе жакшы болоорун айтты.
"Мамлекеттик жумушка орношо турган жарандар "Тазалык" иш канасынан 15 күн стажировкадан өтсө деген оюм бар. Беш күн таштанды жүктөсүн, беш күн көчө шыпырсын, беш күн кар күрөсүн. Ошондо, биздин жумушту түшүнүп, башкаларга да айтып берип, тамеки ыргыткан, түкүргөн сыяктуу терс көрүнүштөр токтойт деп ойлойм" – деди Эркинбаев.
Ал ошондой эле "Тазалыктын" кызматкерлери бир күн тынбай эмгектенишип, айына 4 миңден 13 миң сомго чейин эле айлык алышарын кошумчалады.
