БИШКЕК, 2-янв. — Sputnik. Ирландиялык мушкер Конор Макгрегор Twitter баракчасында россиялык Хабиб Нурмагомедовду тилдеди. Бул тууралуу РИА Новости агенттиги спортчунун Twitter баракчасына шилтеме кылып жазып чыкты.
Мындай билдирүүнү Макгрегор россиялык мушкер Нурмагомедов бразилиялык Эдис Барбозаны жеңгенден кийин жазып чыкты. Ал спорчуга дагестандык деп кайрылып, аны оозго алгыс нерселерге салыштырган.
That Dagestani was dog shit the other night you's are all nuts. Game full of sloppy bums asking to be slept. Pay me my worth and Kings back.
— Conor McGregor (@TheNotoriousMMA) 1 января 2018 г.
"… Самсып, көбөйүп кетишти. Бул бизнес селсаяктарга толуп калды. Мага канча керек болсо ошончо төлөгүлө, ошондо гана падыша кайтып келет", —деп жазган Макгрегор.
Буга чейин, россиялык мушкер кийинки беттешин америкалык Тони Фергюсон менен өткөрүүнү пландап жаткандыгын билдирген. Анткени "акчасы көп" Макгрегор менен азырынча мушташа тургандыгын ойлоно электигин айткан.
Эске сала кетсек, учурда Макгрегор UFC боюнча жеңил салмактагылар арасында дүйнө чемпиону. Ал өзүнүн спорттук карьерасында 24 беттеш өткөрүп, 21 жолу жеңишке жеткен. Ал эми Нурмагомедов рейтиндик тизмек боюнча Фергюсондон кийинки эле экинчи орунда турат.
