БИШКЕК, 31-дек. — Sputnik. Кыргызстандын жаштары иш тажрыйбасы болсо да жумушсуз жүрүшөт. Бул туурасында Улуттук статистика комитети билдирди.
Аталаган ведомствонун маалыматына караганда, ишсиз жүргөн жарандардын саны учурда 28 миңге чамалап барат.
Анын негизги себеби ал иштердин жыл мезгилине карата болгондугу. Ар бир экинчи жумушсуз адам жылдын белгилүү эле бир мезгилинде иштей алат.
Алардын бешөөнүн бирөө үй-бүлөлүк себептерден, ал эми 2 миң киши ден соолугунан улам иштей албайт.
1000ге чукул адам буга чейин эмгектенген ишканасы жабылып калгандыктан, аталган абалга тушуккан.
Улуттук статистика комитетинин маалыматына караганда, кыргызстандыктар орто эсеп менен иш издөөгө 8 ай коротот экен.
