Жаманкулов: жетекчилик кызматта кармалып турушума үч сапат себепкер

Жетекчилик кызматта кармалып турушума үч сапат себепкер. Бул тууралуу Азамат Жаманкулов Sputnik Кыргызстан радиосуна маек куруп жатып билдирди.

Анын айтымында, бир тармакты өнүктүрүү үчүн жетекчиге кеминде беш жыл керек.

"Саясий кызматта адамдар тездик менен алмашып жатат. Ал эми менин Туризм департаментинин жетекчиси болгонума эки жыл болуп калды. Эки-үч сапаттын жардамы менен эки жылдан бери иштеп келе жатам десем туура болот. Жоопкерчиликти сезип, берилген тапшырмаларды так аткарууга аракет кылам. Мындан сырткары, жоктон бар кылып, эл аралык уюмдар менен кызматташып жатабыз. Анан, албетт,е чечкиндүүлүк чоң роль ойнойт", — деди Жаманкулов.

Ал чоң кызматтагылардын тез-тез алмашуусу өлкөгө зыян экендигин кошумчалады.