Мусаева: "Коопсуз мектеп" долбоору боюнча атайын стратегия иштелип жатат
"Коопсуз мектеп" долбоору боюнча атайын стратегия иштелип жатат. Бул тууралуу Назгүл Мусаева Sputnik Кыргызстан радиосуна маек куруп жатып билдирди.
Анын айтымында, стратегиялык долбоорду иштеп чыгууга атайын адистер тартылган.
"Өзүңүздөргө белгилүү болгондой биздин көп мектептер совет доорунда курулган. Анан жашоонун өзгөрүшү менен талаптар да өзгөрөт экен. Учурда мектепке болгон талаптар да өзгөрдү. Ушундан улам атайын стратегия иштелип жатат", — деди Мусаева.
Ал долбоорго ылайык 30 мектеп тандалып алынгандыгын кошумчалады.
