БИШКЕК, 21-дек. — Sputnik. ИИМдин "Динамо" спорт комплексинин 90 жылдыгына карата спорттук иш-чаралардын ачылышы Бишкек шаарында болду. Бул тууралуу ведомствонун маалымат кызматынан билдиришти.
Анын алкагында 19-22-декабрь күндөрү шаардыктар, спорттун ардагерлери, чет элдик коноктор жеңил атлетика, ок атуу, стритбол, самбо, кол күрөш, ордо, тогуз-коргоол, дартс жана шахмат боюнча күч сынашууда.
"Аты дүйнөгө таанылган спортчулар дал ушул "Динамодон" чыгышкан. Мисалга Москва олимпиадасынын чемпиону, ок атуу боюнча дүйнө рекордчусу Александр Мелентьев, Барселонадагы олимпиадада баскетбол боюнча чемпион болгон Елена Баранова, эркин күрөш боюнча дүйнө чемпиону Улан Надырбек уулун алсак болот", — деп айтылат билдирүүдө.
Азыркы учурда аталган спорт комплексинде үч миңдей бала тарбияланууда.
