БИШКЕК, 7-дек. — Sputnik. Россия президенти Владимир Путин Ефрат дарыясынын эки жээгин бошотууда "Ислам мамлекети" террордук уюму толугу менен талкалангандыгын билдирди. Бул туурасында РИА Новости жазды.
"Коргоо министри (Сергей Шойгу) Ефрат дарыясынын батыш жана чыгыш жээгинде террорчулар толугу менен талкалангандыгы тууралуу маалымат берди. Албетте, кээ бир жерлерде баш көтөргөндөр болушу мүмкүн. Бирок, негизинен бул этапта жана бул аймакта согуштук иштер аяктады. Дагы бир баса белгилеп айтарым, операция террорчулардын толук талкаланышы менен аяктады", — деди Путин журналисттерге.
6 Бештин айы 2017, 13:44
Ал арада Россиянын Башкы штабынын жетекчиси Валерий Герасимов генерал Сухелдин аскерлери жана ыктырчылардын №5 штурмалоочу корпусу согушкерлердин Дейр-эз-Зор провинциясындагы калган-катканын тоулк талкалагандыгын кабарлады. Салихия, Эль-Хрейта, Эль-Катья жана Мусалаха аймактарын бошоткондон кийин алар өкмөттүк күчтөр менен бириккен.
Россия 2015-жылы Сириянын өтүнүчү менен бул өлкөдө террорчулукка каршы операцияны баштаган.
