БИШКЕК, 27-ноя. — Sputnik. Боз-Бөлтөк тоосундагы жоголуп кеткен туу табылгандыгын Улуттук банктын маалымат кызматынан билдиришти.
Кечээ, 26-ноябрь күнү, Facebook тармагынын колдонуучусу Орто-Сай айылынын жанындагы Боз-Бөлтөк тоосундагы флагшток ордунда жок экенин жазган.
Боз-Бөлтөк тоосундагы жоголуп кеткен туу табылды
© © фото очевидца, отправленное по Whats App-каналу
Маалыматка караганда, желек ошол эле аймактагы үйлөрдүн биринин жанынан табылды. Аны шамал учуруп кеткен.
Туу ушу тапта ордуна кайтарылды.
Аталаган желек 2012-жылы 31-августта Кыргызстандын эгемендүүлүгүнүн 21 жылдыгына арналып орнотулган.
Бийиктиги 75 метрге жеткен флагшток жана 337 чарчы метрлик туу ошол убактагы өкмөт башчы Өмүрбек Бабановдун демилгеси менен Түркияда жасалып, баасы сегиз миллион сомду түзгөн.
Бабанов премьерликтен кеткенден кийин желек Улуттук банктын балансына өткөрүлгөн.
