БИШКЕК, 23-ноя. — Sputnik. Кыргызстандын Германиядагы элчилиги немис тилине которулган "Манас" эпосунун бет ачарын өткөрдү. Бул тууралуу Тышкы иштер министрлигинин маалымат кызматы билдирди.
Иш-чара КР президентинин Тарых жана ата-бабаларды эскерүү күнүн белгилөө боюнча чыгарган жарлыгын ишке ашыруунун алкагында жасалган. Китеп келген конокторго жана илимпоздорго өзүнүн мазмуну жана тереңдиги менен абдан таасир калтырган.
Маалыматта "Манас" эпосу белгилүү немис жана орус окумуштуу-изилдөөчү, лингвист жана түрколог Вильгельм Радловдун версиясы боюнча которулуп басылганы айтылды.
