Түшүңдү сууга айтпай, ажого айт! Соцтармактын алды унаа, арты мандат сурап жатат

© Sputnik / Табылды КадырбековПрезидент Кыргызской Республики Алмазбек Атамбаев
Президент Кыргызской Республики Алмазбек Атамбаев - Sputnik Кыргызстан
Жазылуу
Кечээ президент Алмазбек Атамбаевдин маалымат жыйынында журналист Амантур Мусагулов "Түндө түшүмө сизден саат белекке алып жатыптырмын. Мындан улам эстеликке алып жүрүш үчүн эл алдында саатыңызды сурагым келди" дегенде өлкө башчы дароо колундагы саатын чечип тапшырды.

БИШКЕК, 21-ноя. — Sputnik. Буга чейин куудул, пародист Жаныбек Алыкулов президенттин саатын "чечип алып" элдин эсинде калган. Ал учурунда Аскар Акаевди өзүндөй кылып туурап эки жолу колундагы алтын саатын белекке алган. Ал эми журналисттин түшү туш болгону эл арасында айтылып жүргөн "түшүңдү сууга айт" деген сөздү четке каккандай болду. Мындан улам социалдык тармактын колдонуучулары ичине катып жүргөн түштөрүн айта башташты.

1. Адегенде эле Нуралы Нурбеков аттуу Facebook колдонуучу түшүндө мурдагы төрага, учурдагы депутат Чыныбай Турсунбековду көргөнүн жазды. Анда ал "Акун" фабрикасынын продукцияларын жеткирүү кызматы тууралуу келишим түзгөн экен.

2. Самат Бектенов болсо түшүндө Жогорку Кеңештен мандат алып жатканын жазды.

3. Ал эми Айкөкүл Маматова деп катталган кыз түшүндө Алмазбек Атамбаевден машина белекке алганын айтат.

4. Ар ким түшүндө өзүнө керек нерсени көрөт окшойт. Мындай түштү айдоочулар күнүгө көргөнгө да даяр болсо керек. Кудайберген Русланов күйүүчү майдын 20 сомго чейин арзандаганына "күбө болгон".

5. Бойдок жигиттердин түшүнө үйлөнүү кирет экен. Соцтармактагы трендди утурлай ал "шефине" кайрылып, тойго жетпей жаткан каражатты сураган.

6. Ара-чолодо Адилет Балтабаев президенттердин баарын түшүндө кезиктиргенин жазды. Анда Аскар Акаевдин күлүп-жайнап жүргөнүн, кызыл канга боёлуп аккан сууда жүргөн Курманбек Бакиевдин элесин, кийинчерээк "Ала-Тоо" аянтындагы шаан-шөкөттөн Алмазбек Атамбаевди көргөнүн баяндаган.

7. Арасында түш көрө албай кыйналып жүргөндөр, мындан улам түш токуй койсомбу деп ойлоно баштагандар да бар экен.

8. Акын Мирлан Самыйкожо "илгери мындай чечендерди өнбөгөн доого, көнбөгөн жоого салышчу. Бул Амантурдун чечендиги. Ал эми батынгандыгы — духу! "Кандан, Бектен тартынбаган" деген сөздүн далили" деп журналисттин чечендигине баа берген.

Жаңылыктар түрмөгү
0