Жээнбеков: Хантураевди үч жолу беттешке чакырдым
Белгилүү өзбек мушкери Мурод Хантураевди үч ирет беттешке чакыргандыгын Тилек Жээнбеков Sputnik Кыргызстан маалымат агенттигине берген маегинде айтып берди.
Анын айтымында, Хантураев беттешке макул болгондо Орто Азиядагы оор салмактагы мушкерлердин арасында ким биринчи экени аныкталмак.
"Хантураев Орто Азиядагы оор салмактагы белгилүү мушкерлердин бири. Ал жигиттин бою менден жапыз, бирок салмагыбыз бир. Биз ага беттеш өткөрөлү деп үч жолу сунуш кылганбыз. Тилекке каршы, ал макулдугун берген жок. Акыркы жолу Бишкекте жүргөндө менеджерибиз аракет кылып жооп ала албай койду. Макулдугун берсе жакшы болмок, Орто Азиядагы оор салмактагы мушкерлердин арасында ким биринчи экенин көрсөтөт элек", — деди спортчу.
