Жолдошева: Бишкекке ири өлчөмдөгү көчөттөрдү отургуза баштадык
Бишкекке ири өлчөмдөгү көчөттөр отургузулууда. Бул тууралуу "Зеленстрой" ишканасынын башкы агроному Элнура Жолдошева Sputnik Кыргызстан радиосуна маек куруп жатып билдирди.
Анын айтымында, ири өлчөмдөгү көчөттөр алгачкы ирет колдонулууда.
"Буюрса миңден ашуун көчөт отургузулуп калды. Негизинен ири өлчөмдөгү көчөттөргө басым жасалып жатат. Анткени алар бат өсүп, кыска убакытта эле ишке жарап калат", — деди Жолдошева.
Ал ири өлчөмдөгү көчөттөрдүн айырмасы бийик болуп, диаметри чоң экендигин кошумчалады.
