БИШКЕК, 3-ноя. — Sputnik. Кыргызстандын премьер-министр Сапар Исаков КМШ мамлекеттеринин өкмөт башчыларынын "2011-жылдын 18-октябрындагы эркин соода аймагы жөнүндө келишимдин жобосун ишке ашыруу жөнүндө" чечимине Казакстандын мыйзам бузууларын эске алуу менен кол койду. Бул тууралуу өкмөттүн маалымат кызматы кабарлады.
Исаков билдиргендей, Казакстан "Эркин транзит" келишиминин нормаларынын 7-беренесин бузуп жатат. Тараптар 1994-жылы кол коюлган тариф жана соода боюнча башкы келишимдин 7-беренесинин жобосуна ылайык, тараптар товарлардын транзити жана транспорт каражаттарынын көзөмөлүн жүргүзүшү кажет. Бул макулдашылган тараптардын аймагы аркылуу транзиттин эркин болушу керек дегенди түшүндүрөт.
Өкмөт аталган берененин 5-пунктуна ылайык тараптар транзитте турган товарлардын өтүүсү үчүн керектүү шартты түзүп бериши керек деп жазылганын жүйө келтирүүдө.
"Казак тараптын 10-октябрдан тарта Казакстандын аймагы аркылуу өтүп жаткан Кыргызстандын жүктөрүнө карата көрүп жаткан аракеттери келишимдин жоболорун түздөн-түз бузгандык жана Казакстандын эл аралык милдеттерин аткарбай жатканын көрсөтүп турат", — деп айтылат маалыматта.
Андан сырткары, КМШнын аткаруу комитетинин отчетунда көрүлүп жаткан чаралар соода өнөктөштөрдү басмырлоо каражаты болбошу керектиги белгиленген.
Премьер-министр Сапар Исаков келишимге Казакстандын мыйзам бузуулары боюнча өзгөчө пикирди эске алуу менен кол койду.
