БИШКЕК, 18-окт. — Sputnik. Киров суу сактагычындагы суу коё берилет деген маалымат боюнча Казакстандын Өзгөчө кырдаалдар комитетинин расмий өкүлү Руслан Иманкулов Sputnik Казакстан агенттигине комментарий берди.
Анын айтымында, Кыргызстан суунун коё берилиши тууралуу Казакстанга күн мурунтан кабар берген. Жамбыл облусунун Өзгөчө кырдаалдар департаменти тиешелүү мамлекеттик органдарга маалымат тараткан.
Иманкулов тынчсызданууга себеп жок экенин белгиледи.
"Тынчсызданууга негиз жок. Анткени чыккан суу секундасына 100 куб метр өлчөмүндө кирет. Ал жерден өткөн сайдын кеңдиги 200 куб метрге чейин жетет. Сууну коё берүү иштери бүгүн кечке чейин башталмак", — деп айткан Иманкулов.
Ошондой эле ал аталган аймакка байкоо салуу тапшырмасы тийиштүү органдарга берилгенин белгиледи.
