Медетбеков: жаңжалдар жакшылыкка алып келбейт
Жаңжалдар жакшылыкка алып келбейт. Бул тууралуу Улуттук коопсуздук комитетинин төрагасынын мурдагы орун басары Артур Медетбеков Sputnik Кыргызстан радиосуна маек куруп жатып билдирди.
Эскерте кетсек, бүгүн, 16-октябрда Талас шаарында 200гө чукул адам нааразычылык акциясына чыкты.
"Айрым учурда шайлоонун шайтан оюндары чыгып кетет. Бул ирет андай болбой, өлкөбүздө стабилдүүлүк болушун каалайт элем. Таластагы нааразычылык акциясы сүйлөшүүлөр менен аякташы мүмкүн. Жалпы республика боюнча жайылбашы керек. Себеп дегенде жаңжалдар жакшылык алып келбейт", — деди Медетбеков.
Эксперт Кыргызстандын келечеги үчүн маселени тынчтык жолу аркылуу чечүү керектигин кошумчалады.
