Талас: митингге чыккандар "Республика" партиясынын штабынын алдына чогулду

© Фото / Рамис ТемиралиевТалас шаарында чогулган эл
Талас шаарында чогулган эл - Sputnik Кыргызстан
Жазылуу
200гө чукул киши президенттикке талапкердин биринин атын кыйкырып, "Республика" партиясынын штабынын алдында турат.

БИШКЕК, 16-окт. — Sputnik. Талас шаарында митингге чыккандар "Республика" партиясынын штабынын алдына чогулуп, азырынча эч кандай талап кое элек. Бул тууралуу Ички иштер министрлигинен кабарлашты.

Маалыматка ылайык, митингге 200дөн ашуун киши чыккан, алардын көбү жаштар. ИИМ тургандар президенттикке талапкердин биринин аты-жөнүн кыйкырып жатышканын белгиледи.

"Штабда бирөө-жарымдын бар-жогу белгисиз. Ал жактан кирип-чыгып жаткан адамдар көрүнбөйт", — дешти министрликтен.

Элден бир аз четирээк милиция кызматкерлери коомдук тартипке көз салып турат. Тартип бузуу жана чагымчылдык фактылары катталган жок.

Таластагы азыркы кырдаал менен Sputnik Кыргызстан агенттиги жүргүзүп жаткан тексттик трансляциядан таанышып турсаңыз болот>>

Жаңылыктар түрмөгү
0