БИШКЕК, 12-окт. — Sputnik. Улуу Британиядагы Эдинбург университетинин окумуштуулары адам баласы эмне үчүн 50 жаштан өтүп жашай ала тургандыгын түшүндүрүп беришкен. Бул туурасында РИА Новости Phys.org сайтына таянып кабарлаган.
Окумуштуулар АКШнын Юта штатындагы 1950-жылга чейин туулган 1,7 миллион адамдар жана алардын ата-теги боюнча чогулган маалыматтарды иликтеп көргөн. Анда эркектерди жашыраак кылып кармап турган ген аныкталган. Ал эми аялдардан мындай генди таба алышкан эмес.
Буга чейин Бразилиядагы Риу-Гранди-ду-Сул университетинин окумуштуулары адамдын картайышын төшөк мамилеси кадимкидей жайлатаарын айткан. Изилдөөдө организм энергиясын зат алмашуу процесстерине жумшагандыктан, картаюу күчкө толуп турган жашоо менен узак жашоонун ортосундагы компромисс делет.
Адамдын алдуу-күчтүү болуп турушу үчүн ресурстар канчалык көп жумшалса, денедеги ткандар менен органдардын калыбына келиши үчүн ошончолук аз энергия калары айтылган.
