БИШКЕК, 4-окт. — Sputnik. Таксинин ичинен бычак такап, акча талап кылды деген жүргүнчү такси айдоочусунун такай кардары болгонун шаардык милициядан билдиришти.
Милициянын билдиришинче, жабыркаган жаран 2-октябрда түнкү саат 12:00дөр чамасында белгисиз кишилер аны күч менен машинага салып, Воронцовка айылы тарапка алып барып сабаганын айтып арыз менен кайрылган.
Жүргүзүлгөн ыкчам иш аракеттердин жыйынтыгында 25, 26 жана 28 жаштагы киши кармалган.
"Колго түшкөн У.И. аттуу жаран такси кызматынын айдоочусу экенин, жабыр тартты делген киши анын дайымкы кардары болгонун айткан. Сурак учурунда аны менен пикир келишпестиги бар экенин белгилеп, мамилесин аныктоого аракет кылганын кошумчалады", — деп айтылат маалыматта.
Милиция соттук медициналык экспертиза дайындалып, чогултулган материалдардын негизинде жарандардын аракетине юридикалык баа берилерин билдирди.
