Жуматаева: жеңилдетилген пенсияга кызыкпай, эс алууга өз убагында чыккан жакшы
Жеңилдетилген пенсияга кызыкпай, ардактуу эс алууга өз убагында эле чыккан туура экенин Гүлнур Жуматаева Sputnik Кыргызстан радиосуна маек куруп жатып билдирди.
Анын айтымында, эртелеп пенсияга чыгып алгандарга акча азыраак төлөнүп калат.
"60 жашка чыккан эркектер эгерде иши жок болсо үч жыл күтпөй эле пенсияга чыга берсе болот. Бирок иштеген жериңиздер болсо, пенсия убагын күтүп туруп эле толук пенсияга чыккан жакшы. Анткени ошондо жакшы пенсия менен чыгасыздар. Ал эми эртелеп эле пенсия алып баштасаңыздар акча азыраак чыгып калат ", — деди Жуматаева.
Эске сала кетсек, Кыргызстанда 1-октябрдан тарта пенсия көбөйтүлөт.
