БИШКЕК, 29-сен. — Sputnik. Тайвандык белгилүү актриса жана модель Линь Чилин соцтармакка чыныгы жаш курагын жазып, элди таңгалдырды. Бул туурасында The Daily Mail басылмасы кабарлады.
Чилиндин боёонбой турган сүрөтүн көргөн эл анын курагын так айт алган эмес, алар көп болсо 23 жаштын тегерегинде деп ойлошкон.
Жакында эле модель Instagram баракчасына 42 жашта экендигин жазганда көптөр алгач ишенген эмес. Ал тургай эмоция менен таңгалууларын соцтармакка жазып жиберишкен.
Басылма Линь Чилин кино менен мода дүйнөсүндө азыркыга чейин атактуулукту бербей келе жаткандыгын жазган. Ал мода журналдарына тартылып, алардын мукабасынан түшпөйт, белгилүү компаниялардын продукцияларын жарнамалап тартылып келет.
Модель 1974-жылы Тайвандын түштүгүндө жарык дүйнөгө келип, Японияда тартылган режиссер Жон Вунун "Кызыл аскадагы кармаш" деп аталган тасмасынан кийин элге таанымал боло баштаган. Чилин, андан сырткары, эл калтырбай көргөн япондордун "Кызыл жүрөктөр" сериалына тартылгандан соң атагы андан да арткан.
