БИШКЕК, 28-сен. — Sputnik. Жума күнү эртең менен көпчүлүк аймактарда жаан жаап, тоо этектеринде жаан карга айланышы мүмкүн. Бул тууралуу Кыргызгидромет билдирди.
Айрым жерлерде батыштан соккон шамалдын ылдамдыгы секундасына 18-23 метрге жетет.
Чүй, Талас өрөөндөрүндө жана Ысык-Көл ойдуңунда түнкүсүн 1…6, күндүз 6…11, Ош, Жалал-Абад, Баткен облустарында түнкүсүн 5…10, күндүз 11…16 градус жылуу болот.
Бишкекте 10, Ош шаарында 18 градус жылуу болуп, маал-маалы менен жамгыр жаайт.
Мындай туруксуз аба ырайы айыл чарба иштерин, автоунаа кыймылын, энергетика жана коммуналдык кызматтардын ишин кыйындатат.
