БИШКЕК, 26-сен. — Sputnik. Канцлер Ангела Меркель Германияда 2015-жылы болгон миграциялык каатчылык кайталанбайт турганын, ал үчүн бардык чаралар көрүлгөнүн айтты. Бул тууралуу РИА Новости агенттиги жазып чыкты.
"Миграциялык кризис мындай формада кайталанбайт деп айта алам", — деди Меркель.
Белгилей кетсек, жекшемби күнү Германияда бундестагга шайлоо өттү. Өлкөнүн борбордук шайлоо комиссиясынын акыркы маалыматтарына ылайык, Ангела Меркель башында турган Христиан-демократиялык союзу партиясы 33 пайыз (бундестагда 246 орун) менен алдыга озуп чыккан. Бул партиянын 1949-жылдан берки эң начар көрсөткүчү. Андан кийинки орунда Германиянын социал-демократиялык партиясы алды. Мындан сырткары, "Германия үчүн альтернатива" партиясы биринчи жолу бундестагга кирди. Аны менен бирге Либералдык эркин партиясы, "Солчулдар" жана "Жашылдар" партиясы да жаңыдан ишке киришмей болду.
