Акаевден ачык кеп. Биринчи президент Аскар Акаев Кыргызстандын негизги үч көйгөйүн айтып берди. Биринчи көйгөй — популизм, экинчи көйгөй — исламдашуу. Ал эми үчүнчү көйгөй эмне экенин билгиңиз келсе бул жаңылыкты барактай салыңыз.
Акаев биздин мамлекет башчыларга кеңеш берип жатканда азыркы президентибиз Алмазбек Атамбаев океандын ары жагына сапар алып, Бириккен Улуттар уюмунун Башкы ассамблеясынын жыйынына катышууда. Атамбаев ким менен кол алышып, аны кимдер коштоп жүргөнү кызык десеңиз бул маалымат дал сиз үчүн.
Азыркы президент океандын ары жагында жүрсө, Кыргызстанга президент болом деген талапкерлер бул жакта кыйсыпыр түштү. Тактап айтканда, бюллетенде ким канчанчы болуп турары аныкталды. Ии баса, президент болом дегендер канча акчасын коротуп, эмне кылганы да кызык болсо керек. Иши кылып келечекте ажо болот элем дегендердин баа чогулуп 227 миллион сом коротушту.
Сүйүнчү, сүйүнчү-үү. Сиз акыркы жолу качан сүйүнчү айтып, же сүйүнчү алдыңыз эле. Негизи эле сүйүнчү эмнеге берилет, ага эмне берери тууралуу кабарыңыз барбы? Билбесеңиз, же эстей албай жатсаңыз бул жакка баш багыңызчы.
Мен силерге сүйүнчү айтканды унутуп калган турбаймбы, дүйнөгө белгилүү блогерлер Кыргызстан тууралуу ажайып видео тартыптыр. Эми койчу, асман тиреген аскалардан тарта, тизеден өйдө болгон шиберге чейин тартышыптыр. Кана, бир көрүп жыргап алгыла.
Валюта наркы. Сомдун баасы долларга карата орто эсеп менен 68.32 (сатып алуу) жана 68.59 (сатуу) сомду түздү.
Мунай баасы. Бишкекте орточо эсеп менен алганда АИ-95 үлгүсүндөгүсү 41.50 сом, АИ-92 үлгүсүндөгүсү 39.00 сом, ал эми дизель майы 37.00 сомдон сатылууда.
Соңку сөз. Шайлоонун шарапаты менен шапар теппей, ар кимибиз өз оокатыбызды кылалы. Расул Үсөналиев.
