"Элес" тобунун мүчөсү Жумалиев: кыйналып жашады дебегиле, 50 жыл бактылуу болдум

© Sputnik / Жоомарт УраимовСнимок с социальной сети Facebook пользователя Аидина Джумалиева
Снимок с социальной сети Facebook пользователя Аидина Джумалиева - Sputnik Кыргызстан
Жазылуу
Өмүрүнүн 32 жылын "Элес" тобуна арнаган Айдин Жумалиев күйөрмандарына кат аркылуу кайрылуу жолдоду

БИШКЕК, 18-сен. — Sputnik. Боор рагы илдетине кабылып, учурда Түркияда дарыланып жаткан "Элес" тобунун мурдагы мүчөсү Айдин Жумалиевдин кыргыз элине, күйөрмандарына жазган катын белгилүү теле алып баруучу Ассоль Молдокматова өзүнүн Facebook тармагындагы баракчасына жарыялады. 

Музыкант өз катын оор кырдаалга кептелип, элге кайрылууга аргасыз экенинен баштаган. Ошондой эле ал "Элес" тобуна өмүрүнүн 32 жылын арнап, бул аралыкта ар бир күндү чыгармачылык менен жашаганын жазган.

"Бүгүн Түркиядагы онкологиялык оорукананын айнегинен сыртка тигилип турам. Мени бул жерге алып келген илдетим өпкөм менен омурткаларымды акырындык менен жеп жаткандыктан, эртеңким үчүн тынчсыздануудамын. Анткени ЖАШАГЫМ келет. Балдарым Бексултан менен Нурсултандын үлпөт тоюн көрүп, жубайым Венерага жөлөк болгум келет. Күн сайын ушундай ойлор менен ойгоном. Алтындай апама дагы ыраазычылыгымды билдирем. Сиз мага жашоо, сүйүү, жыргал тартууладыңыз. Мени кыйналып жашады деп ойлобогула. 50 жыл бою бактылуу жашадым, бул үчүн жакындарыма, досторума, классташтарыма, кесиптештериме ыраазымын. Мен бактылуумун жана жан дүйнөм тынч", — деп жазылган катта.

Мындан тышкары, Жумалиев анын мындан аркы дарылануусуна зарыл болгон сумманы чогултуу үчүн "Элес" тобу 2-октябрь күнү өткөрүп жаткан кайрымдуулук концертине бардык каалоочуларды чакырып кетти.

Церемония вручения Российской национальной музыкальной премии - Sputnik Кыргызстан
“Город 312” тобунун мүчөсү “Элес” тобунун музыкантын колдоп видео жаздырды
Катта айтылгандай, дарыланууга дагы 25 миң доллар талап кылынууда.

Эске салсак, "Город 312" тобунун музыканты Дмитрий Притула август айында Айдин Жумалиевди колдоого чакырган видео кайрылуу жасаган.

Айдин Жумалиев "Элес" тобунун мүчөсү болгон. Музыканттар тобу 1985-жылдан 2002-жылга чейин элге кызмат кылган. Бул убакыт аралыгында алар беш альбом чыгарган. Ал эми үстүбүздөгү жылдын июль айында топ кайрадан түзүлгөнү маалым болгон.

Жаңылыктар түрмөгү
0