ОШ, 9-сен. — Sputnik. Ошто өткөн Чүй облусунун маданият күндөрүн ири концерт жана спектакль менен коштолду. Бул туурасында мэриянын маалымат кызматы кабарлады.
Ири программадагы концерт Султан Ибраимов атындагы Ош облустук улуттук кыргыз драма театрында коюлуп, андан сырткары Шаршен Терменчиков атындагы Чүй облустук театрынын актерлору "Бөрү заман" спектаклин театр сүйүүчүлөргө тартуулады.
Ош калаасынын мэри Айтмамат Кадырбаев артисттер аймак аралап "унутта калган эски ырларга жан берип" жаткандыгын белгиледи.
Белгилей кетсек, "Ыйман, адеп жана маданият" жылынын алкагында КРдин Маданият, маалымат жана туризм минстрлиги тарабынан облустар аралык маданият күндөрүн өткөрүү пландаштырылган. Ошол жарлыктын алкагында Чүй облусунун маданият кызматкерлери Ош шаарына гастролдоп келген.
