БИШКЕК, 8-сен. — Sputnik. Эч нерсени эстей албай, Анкаранын көчөсүндө жүргөн кыргызстандык 30 жаштагы аял бүгүн Бишкекке алып келинет. Бул туурасында ТИМдин маалымат кызматынан кабарлашты.
Августтун аягында атын эстей албай калган аялдын сүрөтү социалдык тармактарда пайда болуп, 27-августта полиция аны кармаган. Кыргызстандын Түркиядагы элчилиги анын ким экендигин тактап, ооруканага жаткырууга көмөктөшкөн.
ТИМ аялды дарыгерлер карап жатканын билдирди. Түркиядагы кыргыз диаспорасы элчиликтин көмөгү менен аны жума күнү, бүгүн Кыргызстанга жөнөтүүнү колуна алган. Аэропортто аны атасы тосуп ала тургандыгы айтылды.
