БИШКЕК, 6 сен — Sputnik. Кытайда унаа токтотуудан пикир келишпестик чыгып, эки келин балдарынын көзүнчө мушташып кетишти. Бул тууралуу The Daily Mail басылмасы жазды.
Маалыматка караганда, окуя Гуандун провинциясынын Юньфу шаарында биринчи окуу күнүндө болгон. Эки келиндин мушташып жатканын жанындагылар видеого тартып алган.
5 Аяк оона 2017, 10:05
Видеодон көрүнгөндөй, алар баладарынын чыңырып ыйлаганына карабай бири-бирин тепкилеп, койгулап, чачташып жатышат. Кичине кызы ортого түшүп ажыратууга аракет кылганы менен жыйынтык болгон эмес. Экинчи бала апасын бейтааныш аял уруп жатканын көрүп ыйлап отуруп алган. Кийинчерээк аялдарды жанында тургандар ажыратышкан.
Маалыматта жаңжалдын чыгышына аялдардын бирөө туура эмес жерге машинасын токтотуп, мектептин унаа токтотуучу жайына өтчү жолду тосуп койгону себеп болгону айтылат.
