БИШКЕК, 4-сен. — Sputnik. Кыргызстандык мушкер Бектур Мангиев Өзбекстанда чемпиондук кур үчүн ат салышат. Бул тууралуу Sputnik Кыргызстан маалымат агенттигине спортчу өзү билдирди.
Маалыматка ылайык, Asian Fight-2017 аталышындагы эл аралык турнир 9-сентябрда Ташкент шаарында өтөт. Анда Азербайжан, Афганистан, Сингапур, Өзбекстан, Россия, Кыргызстан, Малайзия жана Индиядан келген 16 спортчунун катышуусунда сегиз беттеш өтөт.
Кыргызстандын атынан Бектур Мангиев барып өзбекстандык Махамадали Тоштургунов менен 70 килограмм салмак категориясында күч сынашат.
Ошондой эле аталган мелдешке конок катары Жан-Клод Ван Дамм, Джефф Монсон жана Фёдор Емельяненконун келиши күтүлүүдө.
