БИШКЕК, 4-сен. — Sputnik. Борбордук шайлоо комиссиясы Жогорку Кеңештин экс-төрагалары Өмүрбек Текебаев менен Ахматбек Келдибековду президенттике талапкер катары каттоодон баш тартты. Бул тууралу Sputnik Кыргызстан агенттигине аталган комиссиядан билдиришти.
БШК эмнеден улам каттоодон баш тарткандыгын кийинчерээк кабарлай турганын маалымдады.
Эске салсак, Бишкектеги Биринчи Май райондук соту 16-августта Өмүрбек Текебаев менен Дүйшөнкул Чотоновду 8 жылга кесип, мүлкүн мамлекетке чегерүү боюнча чечим кабыл алган.
Ал эми Ахматбек Келдибеков өткөн жылдын март айында кызматынан кыянаттык менен пайдаланган деп айыпталып, сот 10 миллион сомго жыккан.
