БИШКЕК, 18-авг. — Sputnik. Үстүбүздөгү жылдын 1-сентябрында Кыргызстандын бардык мектептеринде "Билим күнү" майрамдалат. Бул тууралуу Билим берүү жана илим министрлигинен кабарлашты.
Буга чейин Эмгек жана социалдык өнүгүү министрлиги 1-сентябрь Курман айт экенин айтып, буга байланыштуу дем алыш күн деп жарыяланганын билдирген.
Билим берүү министрлигинин берген маалыматына караганда, мектептердин баарында саат 10.00дө салтанаттуу линейка өтүп, класстык сааттар уюштурулат.
Биринчи сабак Кыргызстандын тарыхы менен маданиятына арналат.
Ведомство 1-сентябрь окуу эмес, майрам экенин экенин эскертет. Окуу 4-сентябрда башталат.
