Чолпонду университетте окуп жүргөн кезден бери тааныйм. Бирок бир нече жылга байланыш үзүлүп, кийинчерээк интернеттен табышып алдык. Акыркы күндөрү соцтармакта онлайн медитация курстарын өткөрүп жүрөт. Аны көрүп алгач башка динге өтүп кеттиби деген ой да келген эле.
— Чолпон, Таиландга кандайча барып калдың?
— Кесибиңизди медитация менен алмаштырып өкүнүп калган жоксузбу?
— Жок, тескерисинче ыраазымын. Медитациядан кийин маанайым жакшырып, күч-кубаттуу болуп, позитивдүү өзгөрүүлөр болду. Таиланддагы семинарга катышып, эки жуманын ичинде 360 градуска өзгөрдүм десем болот.
— Эмнеңиз өзгөрдү?
— Кое берүү дегенди кандай түшүнсө болот?
— Өткөндөгү жашоодо болгон жакшылык менен жамандыкты эстеп жүрбөй унуткаруу. Гардеробдогу кийилбей калган кийимдерден, окулбай калган китептерден арылуу керек. Себеби анын баары — энергия. Эски энергия топтолгондо жаңы энергияга орун калбай калат.
— Соцтармактан онлайн медитация боюнча сабактарыңызды көрүп, башка динге өтүп кеттиби деген ой келди эле…
— Медитацияны баштаганда достор "йогист же буддист болуп кеттиңби" деп сурашкан. Туугандарым менен ата-энем да алгач ошондой деп ойлошкон. Бирок мен буддист болгон жокмун. Медитация бир гана буддизмге тиешелүү эмес, аны дүйнөлүк практика катары кабыл алуу керек. Медитация — бул өзүңдү таанып билүү. Сен качан гана өзүңдү тааныганда башкаларды да жакшы биле баштайсың.
— Мен медитация дегенде эле мандаш токунуп, көзүн жуумп алгандарды элестетем…
— Басып баратып же жатаарда да медитация кылууга болот. Намаз окуган да өзүнчө медитация. Себеби намаз окуп жаткан адам өзүнүн руханий дүйнөсү менен байланышта болот.
— Намаз деп калдыңыз, медитация бул Кудайга кайрылуубу?
— Медитацияда Кудайга кайрылуу жок. Намазда бир гана Кудай менен эмес, өзүң менен да байланышта болосуң. Медитация өзүңдүн чыныгы натураңды издеп табуу дегенди түшүндүрөт. Биз Кудайды асмандан же башка жактан издейбиз. Бирок менимче Кудай ар бир адамдын жүрөгүндө жашайт.
— Медитацияны ата-эне, бир туугандарыңызга да үйрөткөн чыгарсыз?
— Ооба, үйрөтөм, бирок аны дайыма жасабагандан кийин жыйынтыгын сезе алышпайт.
— Кечээ жакында интернет айдыңынан 98 жаштагы йога мугалимин көрүп таң калдым. Денесинин ийилчээктигин айт. Медитациянын йогадан айырмасы эмнеде?
— Йога көнүгүүлөрдү жасоо менен денени чыңдап, концентрацияны өнүктүрөт. Адам канчалык ийилчээк болсо денеси чың болуп, узак жашайт. Ал эми медитацияда эс-акылдын, мээнин булчуңдарын өнүктүрөсүң.
— Таиландда жашаганыңызга бир жылдан ашыптыр. Эли кандай экен?
— Кыргыздардай меймандос келишет. Улууларды урматташат. Бизден айырмасы — көчөдө жылмайып жүрүшөт. Тартип бар, мисалы кечигип жаткандар метродо алдыга умтулуп ызы-чуу жаратпайт. Акырына чейин кезегин күтүшөт.
— Демек кыргыздар Таиландда бат эле билинип калат турбайбы…
— Анткениңиз менен мени чет элдик деп ойлошпойт. Англисче сүйлөгөндө эле түшүнүп калышпаса… Кыргызстанды дээрлик билишпейт. Жада калса Советтер союзу тууралуу маалыматтары жок экен. Мени кытайлык же кореялык деп ойлошот. Кыргызстандан келгенимди айтканда ал кандай өлкө, эмнеси менен белгилүү деп кызыгышат. Интернетти ачып, кооз жерлердин сүрөттөрүн көргөзөм. Сулуулугуна тамшанып, барабыз деп калышат.
— Алдыга койгон пландарыңыз кандай?
Баса, сентябрь айында Ысык-Көлдүн түштүк жээгинде медитация боюнча төрт күндүк семинар өткөрөбүз. Программада медитацияны туура жасоо жана анын таасирлерин айтып беребиз. Мындан тышкары, массаж жана йога сабактары да берилет. Кызыккандар Facebook аркылуу мага кайрылса болот.
