БИШКЕК, 16-авг. — Sputnik. Өзбекстандын Карши шаарында шейшемби күнү түндө автоунаа токтотуучу жайда жарылуу болгонун Sputnik Өзбекстан агенттиги билдирди.
16 Баш оона 2017, 09:55
Өлкөнүн Ички иштер министрлигинин билдиришинче, жарылуу Карши — Бешкент автоунаа жолунда катталган. Газ ташып бараткан жүк ташуучу автоунаа техникалык мүчүлүштүктөн улам жарылып кеткен.
Анын айынан 28 жаштагы айдоочу жаракат алып, ооруканага жеткирилген. Бактыга жараша, жарылуудан эч ким каза болгон эмес.
Өзбекстандын Өзгөчө кырдаалдар министрлигинин маалыматы боюнча ЗИЛ-130 маркасындагы автоунаадан MAN үлгүсүндөгү машинага газ куюп жатканда жарылуу болгон.
