БИШКЕК, 12-авг. — Sputnik. Мушкерлердин дүйнөлүк ассоциациясы (UFC) социалдык тармактагы өзүнүн баракчасына расмий постерин коюп, кыргызстандык мушкер Валентина Шевченко менен бразилиялык Аманда Нуньестин реванш-мушташынын проморолигин жарыялады.
Here's the official poster for #UFC215. pic.twitter.com/PlC3sGZdDc
— Chamatkar Sandhu (@SandhuMMA) 10 августа 2017 г.
Башкы постерде UFC 215 турниринде мушташа турган башка каармандардын сүрөттөрү жайгаштырылган. Турнирдин башында оор салмактагы мушкерлердин титулдук мушташы турат. Алар чемпион Деметриус Жонсон жана ага талапкер болуп чыга турган Рэй Боргдун беттеши. Кийинки беттеш алардан жеңилирээк салмактагы Шевченко менен Нуньестин кармашы. Мындан сырткары, UFC 215 турниринде кан кызыткан дагы бир беттеш Жуниор Дос Сантос менен Фрэнсис Нганну ортосундагы болмокчу.
🚨 #UFC215 on 9/9 🚨@MightyMouseUFC goes for 1️⃣1️⃣ | @Amanda_Leoa goes for 2️⃣ | @Junior_Cigano vs @FrancisNgannou in HW action! STACKED‼️ pic.twitter.com/NyK2U62CQp
— UFC (@ufc) 8 августа 2017 г.
Проморлик таамай урулган муштумдар, спортчулардын маңдай жарыла кубанган учурлары тартылган видеолор менен коштолгон.
Эки кыз UFC 215 турниринин алкагында 9-сентябрь күнү Канаданын Эдментон шаарында кармашат.
Нуньес кыз-келиндер арасында жеңил салмак категориясы боюнча дүйнө чемпиону. Ал 2016-жылы америкалык Ронда Роузду утуп, чемпион аталган. Эми эки мушкер чемпиондук үчүн мушташат.
Кыргызстандык спортчу кыз жеңил салмактагы спортчулар арасында чемпиондук наам үчүн ат салышууда.
