Президенттерди суктанткан комузчу Чолпон: бир видео менен "жылдыз" болгон жокмун

© Sputnik / Табылды КадырбековИзвестная комузистка Чолпон Мелисбекова
Известная комузистка Чолпон Мелисбекова - Sputnik Кыргызстан
Жазылуу
Жакында эле чырайлуу келиндин образында комузчу Чолпон Мелисбекова учурда хит болуп жаткан Despacito ырын комузга салып, социалдык тармакты "дүң" кылды.

Чолпондун чет элдик музыканы комузга салганы көпчүлүктү кызыктырып, суктандырса, айрымдары "улуттук музыкалык аспапка ар кайсы күүнү сала бергенге болбойт" деген да ойлорун айтпай койгон жок.

"Акак" комузчулар ансамблинин таланттуу, жылдыздуу комузчусу Чолпон Мелисбекова менен Sputnik Кыргызстан агенттигинин кабарчысы Таалайгүл Усенбаева маек куруп, өнөрүнө күбө болду.

Публикация от КЫРГЫЗЧА 🇰🇬 (@kyrgyzcha) Авг 1 2017 в 5:37 PDT

— Сизди "Акак" комузчулар ансамблинин солисти катары билебиз, бирок коомчулук сизди ансамблдин солисти эмес, келиндин образында көбүрөөк таанып калды окшойт…

Молодая певица Толгонай Арзыкеева - Sputnik Кыргызстан
Despacito ырын аткарган Толгонай: россиялык продюсерден баш тарттым
— Биз негизи концерттерге, маданий иш-чараларга чыгаарда ар кандай күүлөрдү чертип колубузду жатыктырып, даярданабыз. Бир күнү ошентип даярданып отуруп, учурда хит болуп жаткан Despacito ырын комузга салып, интернетке жүктөп койгом. Бул жөн гана өзүм үчүн тартылган видео болчу. Чынын айтсам, аз убакытта мынчалык таанылып кетерин билбептирмин. Бирок мен бул кичинекей видео менен эле таанылып кеттим дегенден алысмын, анткени менин музыкалык билимим бар. Бул тармакка 6 жашыман бери аралашып келе жатам. Мукаш Абдраев атындагы музыкалык мектепте окуп, белгилүү педагог, комузчу Ирина Сүйөркуловадан сабак алгам. Андан соң Кыргыз улуттук консерваториясын бүтүрүп, учурда мэриянын алдындагы "Акак" комузчулар ансамблинде солист, музыкант-комузчумун.

— Бирок комузда чет элдик хиттерди ойногон идеяңыз көпчүлүккө жакты көрүнөт?

— Буга чейин деле кээде ар түрдүү улуттун ырын комузда ойноп, видеолорун интернетке жүктөп койчумун. Бирок Despacito ыры учурда хит болуп жаткандыктан бул аткаруум популярдуу болуп кетти окшойт. Эми башка номурларды интернетке жүктөбөй эле коеюн десем эл жанымды койбой суранып, ар түрдүү сунуштар түшө баштады. Кээ бири "комузга ар кайсы ырды эле сала береби" деп жаман көрүп жатат, бирок үч кылдуу комузга ар улуттун музыкасын салып ойноо үчүн да чоң чеберчилик керек. Муну менен биз комуздун күчүн, дараметин даңазалап жатабыз. Чет өлкөлүктөр кээде комузга түрдүү музыка салып ойногонубузду көрүп "силердин үн туюмуңар күчтүү экен" деп чеберчилигибизге жана комузга таң калышат. 

© Sputnik / Табылды КадырбековКомузчу Чолпон Мелисбекова: кээ бири "комузга ар кайсы ырды эле сала береби" деп жаман көрүп жатат, бирок үч кылдуу комузга ар улуттун музыкасын салып ойноо үчүн да чоң чеберчилик керек. Муну менен биз комуздун күчүн, дараметин даңазалап жатабыз. Чет өлкөлүктөр кээде комузга түрдүү музыка салып ойногонубузду көрүп "силердин үн туюмуңар күчтүү экен" деп чеберчилигибизге жана комузга таң калышат
Известная комузистка Чолпон Мелисбекова - Sputnik Кыргызстан
Комузчу Чолпон Мелисбекова: кээ бири "комузга ар кайсы ырды эле сала береби" деп жаман көрүп жатат, бирок үч кылдуу комузга ар улуттун музыкасын салып ойноо үчүн да чоң чеберчилик керек. Муну менен биз комуздун күчүн, дараметин даңазалап жатабыз. Чет өлкөлүктөр кээде комузга түрдүү музыка салып ойногонубузду көрүп "силердин үн туюмуңар күчтүү экен" деп чеберчилигибизге жана комузга таң калышат

— Жоолук салынган келиндин образы сизге жакшы жарашат экен. Негизи турмушка чыккансыз да же бул жөн гана образбы?

— Турмушка чыкканыма алты жылдай болуп калды. Бир балам бар, эки жарым жашта. Өзүм 24 жаштамын. Турмушка эрте эле чыккам, жолдошум мага абдан жакшы дем-күч берип, чыгармачылыгымды дайыма колдоп келет. Атабыз да (кайната — ред.) чыгармачылыкка жакын, искусствону абдан сыйлаган адам. Мындан улам ал баласына, менин күйөөмө кайра-кайра "келинчегиңди баала, бийик тут" деп айтып турат.

— Жакында эле Казакстанда өткөн ШКУнун алкагында чоң концерт болуп, силер абдан сонун номер аткарып, президенттердин оозун ачырдыңар. Катуу даярдансаңар керек же мындайга көнүп калдыңарбы? Сүрдөгөн жоксуңарбы?

— Астана шаарында өтө турган бул концертке катышасыңар деп он күн мурун айтылган. Ошол он күндүн ичинде күндө эки-үч маал тынбай, уктабай ачка калсак да абдан дыкат даярдык көрдүк. Анткени сегиз мамлекеттин башчысы катышып жаткан концерт жөнөкөй болбойт эле да. Биз барып Казакстандан даярдана баштаганда эле театрдын жөнөкөй кызматкерлеринен тарта суктанып, биз менен сүрөткө түшүп жатышты. Кыргызстанга келгенде да бизди президент Алмазбек Атамбаев жылуу кабыл алып, ар бирибизге жакшы форма тиктирип берем деп убада кылды. Миңдеген элдин алдында өзүңдү таштап коюп же аткара турган номерден адашып кетүү деген нерсе бизде болбошу керек. Ар бир чыккан концертке мыкты деңгээлде даярданабыз. Көбүнчө сүрдөө эмес, бизде сахнага чыкканда башкача дем-күч пайда болот. Эл колдоп-коштосо, андан да төгүлүп-чачылып кетебиз.

— Чет жактарга көп чыгабыз деп калдыңыз. Комузга кызыгып, анын күчүнө таңыркагандар болобу?

Музыкант, народный артист КР Курмангазы Азыкбаев - Sputnik Кыргызстан
Курмангазы Азыкбаев: үч жыл күттүргөн аспаптан үн чыкканда үч саат ыйладым
— Чет өлкөлүктөр комузга абдан таң калып, " эч кандай белгилери жок ушундай номерди кантип аткарасыңар" деп эстери оойт. Айрыкча кол ойноткон күүлөргө абдан суктанып, кызыгышат. Буга байланыштуу биз көбүнчө чет жерде кыргыздын комузунун күчүн көрсөтүү үчүн атайын кол ойноткон номерлерди тандап, даярдап барабыз. Кээ бир учурда алар биздин күүлөргө кызыгып "келгиле, алмашалы" деп да сунушташат. Бирок комузга башка музыканы салуу оңой болгону менен биздин күүлөрдү башка музыкалык аспаптарда ойноо кыйын, ал тургай мүмкүн эмес. 

— Улуттук аспапка болгон кызыгууң кандайча пайда болуп, эмне үчүн дал ушул тармакты тандап алдыңыз эле?

— Үй-бүлөмдө бирөөнүн да комузга шыгы жок, эч ким кызыккан эмес. Өзүм эле кичинекейимде музыкага жакын болуп, шыктуу, жөндөмдүү экенмин. Телевизордон ырчы, чоорчуларды көрүп ошолордой болууну кыялданчумун. "Жаштын тилегин берет" дегендей, апам мени 1-класска Мукаш Абдраев атындагы музыкалык окуу жайга берип, ошол жакта мыкты педагогдордун колунда тарбияланып калдым.

© Sputnik / Табылды КадырбековКомузчу Чолпон Мелисбекова: турмушка чыкканыма алты жылдай болуп калды. Бир балам бар, эки жарым жашта. Өзүм 24 жаштамын. Турмушка эрте эле чыккам, жолдошум мага абдан жакшы дем-күч берип, чыгармачылыгымды дайыма колдоп келет.
Известная комузистка Чолпон Мелисбекова - Sputnik Кыргызстан
Комузчу Чолпон Мелисбекова: турмушка чыкканыма алты жылдай болуп калды. Бир балам бар, эки жарым жашта. Өзүм 24 жаштамын. Турмушка эрте эле чыккам, жолдошум мага абдан жакшы дем-күч берип, чыгармачылыгымды дайыма колдоп келет.
— Комузду көп киши черткиси келет, бирок оңой менен үйрөнө албайт. Сиздин комуз менен "алышып" жүргөнүңүзгө көп жыл болуптур, кеңеш катары айтсаңыз, комуз үйрөнүш үчүн биринчи эмне кылыш керек?

— Оңой көрүнгөнү менен комузду үйрөнүү өтө татаал. Балдарды комузга көбүнчө кичине кезинде берет. Себеби ал кезде эске тутуу жакшы болуп, колдор да ыкка бат көнөт. Комуз үйрөнгүсү келген адамдардын жаш курагына карабай алгач каалоосу болушу керек, андан соң музыкалык сабатын жоюшу керек. Музыкалык окуу жайды бүтпөсө дагы жок дегенде ноталарды билүүсү кажет.

Жаңылыктар түрмөгү
0