БИШКЕК, 3-авг. — Sputnik. Сириядагы согушка катышууга аракет кылган казак жаранын Алматы шаардык соту алты жылга кескенин Sputnik Казакстан маалымат агенттиги билдирди.
Маалыматка ылайык, салафизм радикалдык диний агымынын жактоочусу Кыргызстан аркылуу Түркияга андан ары Сирияга жетүүгө аракет кылган. Ал "Жабхат ан-Нусра" террордук уюмунун катарында согушка катышууну каалаган.
Аталган ишти буга чейин Алматынын Алмалы райондук соту карап, кармалган жаранды күнөөлүү деп тапкан. Соттолуучу тосмо арыз менен шаардык сотко кайрылган. Алматы шаардык соту райондук соттун чечимин өзгөртүүсүз калтырган.
