Бишкектин чок ортосунда беш автоунаа кагышканын Sputnik Кыргызстан агенттигине күбө билдирди.
3 Баш оона 2017, 12:18
Анын айтымында, жол кырсык 3-августта саат 11.30дар чамасында Чүй проспектиси менен Абдрахманов көчөлөрүнүн кесилишинде катталган.
Видеодон жабыркаган беш авто аталган проспектиде турганын көрүүгө болот. Ошондой эле унаалардын биринин салонунда коопсуздук жаздыгы иштегени байкалып турат.
Бишкек шаардык Кайгуул милиция башкармалыгынан кырсык болгонун ырасташты.
Ал эми Тез жардам кызматы Sputnik Кыргызстан агенттигинин кабарчысына аталган дарек боюнча чакыруу түшпөгөнүн билдирди.
Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp же Telegram номери аркылуу билдирсеңиз болот.
