БИШКЕК, 2-авг. — Sputnik. Чүй облусунун Ысык-Ата районундагы Красная Речка айылында бастырмада чыккан өрттөн музоолуу уй жана алты кой өлдү. Бул тууралуу ӨКМдин маалымат кызматы билдирди.
Маалыматка ылайык, кырсык 2-августта түнкү саат 2:35тер чамасында болгон.
Тилсиз жоонун кесепетинен 300 чарчы метрлик бастырма, үч миң түк чөп күйүп кеткен. Аны өчүрүүгө 3 өрт өчүрүү бөлүмү тартылган.
Өрт электр жабдууларын куроодо эреженин бузулушунан чыккан.
