Маалыматка караганда, имараттын жарым шарга окшогон төбөсү жер силкинүүгө туруштук бере алат.
Үйдү бир күндө эле тургузуп койсо болот. Анын сырткы дубалдары өрткө каршы аралашма менен сиңирилгенден кийин шыбак иштери аткарылат. Пенопласт дат басып, чирип кетпегендиктен үй 300 жылга чейин тура берет. Учурда шыбы үч метрге жеткен 45 чарчы метрлик үй 30 миң доллардын тегерегинде сатылууда.
2016-жылы Кумамотодогу жер титирөөдө Асо курорттук багындагы пенопласттан салынган 480 үй жабыркаган эмес.
Японияны көп учурда "жер титирөөнүн өлкөсү" деп аташат. Аймактагы сейсмикалык көрсөткүчтөр жогору болгондуктан, жылына орточо эсеп менен 1500дөн ашык жер силкинүү катталып турат.
