Тагдыры тай кезинде чечилген. Сапар Исаков 1977-жылдын 29-июлунда Бишкек шаарында төрөлгөн. Кичинекей кезинде эле "партиялык кызматкер болом" деп кыялданып, 7-8-классында дипломат болорун так билген. Бул кесипти тандашына көп жылдар бою Жалал-Абад, Ош облустарында партиялык кызматтарда иштеген атасы Жумакадыр Исаков таасир берген. Ал ушул жылдын 25-майында 78 жаш курагында каза болду. Апасы Нургүл Өмүрбаева мектепте англис тили мугалими болуп иштеген. Учурда ардактуу эс алууда.
Министрликтеги эстен кеткис күндөр. Ишти төмөнкү даражадагы дипломаттан баштап, алгач 3-баскычтагы катчы, 2-баскычтагы, анан бөлүм башчы болуп отуруп кызматы жогорулаган. Жумушка орношкон убагында өзүнөн окуп кеткен студенттер тыпылдап иштеп жүргөн болот. Исаковдун "студенттерим жумуштар менен ар кайсы жакка жумшап коюшат, мен арданган деле жокмун" деп айтканы бар.
Жеке жашоосу. Жубайы кесиби боюнча психолог, илимдин кандидаты. Аны менен телевидениеге талкууга барганда таанышкан. Учурда жубайлар үч кыздын ата-энеси.
3-даражадагы Мамлекеттик кызматтын кеңешчиси, Кыргыз Республикасынын толук жана ыйгарым укуктуу элчиси дипломатиялык рангы бар.
