БИШКЕК, 28-июл. — Sputnik. Британия абактары 2016-2017-жылдары кылмышка шектелген жана кесилген 71 адамды жаңылыш түрдө эркиндикке коё берип жиберген. Бул туурасында РИА Новости кабарлады.
Маалыматтар Британиянын Юстиция министрлигинин документтеринде айтылган. Эркиндикке жумасына орточо эсеп менен бирден адам чыгып турган.
Мындан сырткары, жарыяланган маалыматта Англия менен Уэльстин абактарында зомбулуктун өсүп кеткени айтылган. Быйылкы жылдын январынан март айына чейин 26 643 кол салуу болсо, алардын ичинен түрмө кызматчыларынын өмүрүнө 7 миң жолу коркунуч жаралган.
Статистика быйлкы июнга чейинки 12 айда абактарда 316 адам каза тапканын көрсөткөн. Алардын ичинен 2өөнү өлтүрүп коюшса, 97 киши өз өмүрүнө кол салган. Алты окуя аялдардын түрмөсүндө болгон.
