БИШКЕК, 21-июл. — Sputnik. Бишкек шаарынын прокурору Кубанычбек Бейшекеев ээлеген кызматынан бошотулду. Бул тууралуу Sputnik Кыргызстан агенттигине Башкы прокуратуранын маалымат кызматы билдирди.
Бейшекеев өзү бир күн мурун пенсияга чыкканына байланыштуу кызматтан кетүү тууралуу арыз жазган.
Ал Бишкек шаарынын прокурору болуп өткөн жылы 21-июлда Нурлан Сулайманкулов кызматтан бошотулгандан кийин дайындалган. Ага чейин ал Тоң райондук прокуратураны жетектеп келген.
Сулайманкуловдун колду аркага алып кызматчысына кол чатыр көтөртуп турган сүрөтү социалдык тармактарга жарыяланып катуу сынга алынгандан кийин өз эрки менен кызматынан кеткен.
