Бишкектин көчөлөрүндө унаасын арты менен айдап бараткан айдоочуну күбө Sputnik Кыргызстан агенттигине WhatsApp-каналы аркылуу билдирди.
Анын айтымына караганда, мындай көрүнүш ишемби күнү, 15-июлда болгон.
"Мен аны Курманжан датка көчөсүнөн Жибек-Жолуна кайрылып жатканда көрдүм. Ал Сүйүмбаев көчөсүнө чейин арты менен кетип баратты, кайрылууну ойлонгон да жок. Бул албетте оюн-тамаша бирок ал башка айдоочуларга жолтоо болуп жатты", — деди күбө.
Кыргызстандын Кайгуул милиция башкы башкармалыгы айдоочу жол эрежесинин 225-беренсин (каршы тилкеге чыгуу) бузгандыгын маалымдады. Мындай мыйзам бузгандарга 1000 сом айып пул салынат.
Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp номери аркылуу билдирсеңиз болот.
