БИШКЕК, 6-июл. — Sputnik. БУУнун Экономикалык жана социалдык департаментинин элди жайгаштыруу бөлүмү жер жүзүндөгү демографиялык динамикага арналган докладын жарыялады.
Sputnik Кыргызстан агенттиги Борбордук Азия жана Кыргызстанда 70-80 жылдан кийин элдин саны канча болоруна кызыгып көрдү.
Докладда жети миллионунчу кыргызстандыктын 2030-жылдан кийин төрөлөрү жазылган.
Мурдараак КРнын Улуттук статистика комитети кыргызстандыкдардын саны 2017-жылдын март айында 6 миллион 140,2 болгонун кабарлаган.
Ушул тапта жер шарында — 7,6 миллиард адам жашаса, бул сан 2030-жылы 8,6 миллиардга жетери илкитенди. Ал эми 2050-жылы — 9,8 миллиард, 2100-жылы дүйнөдө — 11,2 миллиард киши жашайт.
Эң көп жараны бар өлкөлөрдүн сап башында мурдагыдай эле Кытай (1,4 миллиард) менен Индия (1,3 миллиард) турат. Бирок 2024-жылы Индия Кытайдан ашып кетээри күтүлүүдө.
Ошондой эле жакынкы 33 жылдын ичинде Индия, Нигерия, Конго, Пакистан, Эфиопия, Танзания, АКШ, Уганда жана Индонезияда өсүш өзгөчө болору кошумчаланды.
