Жогорку Кеңештин депутаттары каникулга тарады

БИШКЕК, 29-июн. — Sputnik. Чыныбай Турсунбеков 29-июнда өткөн парламент жыйынында Жогорку Кеңештин экинчи сессиясын расмий түрдө жабык деп жарыялады. Бул тууралуу парламенттин маалымат кызматынан кабарлашты.

Жогорку Кеӊештин Төрагасы кыргыз парламенти экинчи сессия жүрүшүндө өтө маанилүү укук ченемдик актыларды кабыл алып, көптөгөн орчундуу маселелерди көтөргөнүн, алардын чечилишине өбөлгө түзгөнүн белгилеген. Ал ошондой эле эл өкүлдөрүнө ыраазычылык билдирип, алардын мындан аркы ишинде ийгиликтерди каалады.

Конституциянын 77-беренесине ылайык, Жогорку Кеӊештин сессиясы сентябрь айынын биринчи жумушчу күнүнөн тарта июнь айынын акыркы жумушчу күнүнө чейин жыйындар таризинде жүргүзүлөт.