БИШКЕК, 28-июн. — Sputnik. Япониянын Vanilla Air авиакомпаниясы буту баспаган адамды учактан жөргөлөп түшүүгө аргасыз кылышты. Бул тууралуу Kyodo агенттиги маалымдады.
Жүргүнчүлөрдү каттоо учурунда коляскада отурган майып адамга компания өз алдынча баса албаган адамдарды тейлөө үчүн шарты жок экенин айткан. Мындан улам аны учак ичине досу көтөрүп кирген.
Бирок учактан түшөөр маалда компания кызматкерлери жүргүнчү бирөөнүн жардамысыз өз алдынча чыгышы керектигин айтышкан.
"Баса албаган киши учакка да отура албайт", — деген кызматкердин сөзүн Kyodo агенттиги келтирет.
Окуя ЖМКга жарыяланып кеткенден кийин авикомпания майып адамдан кечирим сураган.
Эскерте кетсек, ушуга окшош окуя АКШнын United Airlines компаниясында да болгон. Мында кызматкерлер "ашык" жүргүнчүнү учактан чыгарып салышкан.
