БИШКЕК, 22-июн. — Sputnik. Приморьеде тергөөчүлөр 1993-жылы болгон эне-баланын өлүмү боюнча кылмыштын бетин ачып, шектүүгө айып тагышты. Бул тууралуу РИА Новости кабарлады.
Маалым болгондой, 1993-жылы сентябрь айында Приморьеде батирлердин биринде 36 жаштагы аялдын жана анын 12 жаштагы уулунун мыкаачылык менен өлтүрүлгөгн сөөгү табылган. Үйдөн алтын баштаган зер буюмдар жана мехтен жасалган тондор жоголгон. Анда кылмышка шектүү делип өлтүрүлгөн аялдын таанышы камалган.
"Бирок ал күнөөсүн мойнуна алган эмес. Анын үстүнө тастыктоо да аз болуп, кармалган адам кое берилип, кылмыш иши токтотулган. Бирок бул иш көмүскөдө калбай тергөөчүлөр акырындык менен иш жүргүзөберишкен. Жыйынтыгында кылмышка шектүү кармалып, колго түшүрүлгөн адам күнөөсүн мойнуна алган", — деп жазылат маалыматта.
Тергөө божомолдогондой, кармалган эркек адам соода менен алектенген тааныш аялын өлтүрүп, аны көрүп калган уулунун да көзүн тазалаган.
